O día de...
As Nacións Unidas declararon que, a partir do ano 2009, todos os días 8 de xuño se conmemore o Día dos Océanos. O concepto propúxoo Canadá o mesmo día de 1992 no cumio da Terra en Rio de Janeiro e vénse celebrando cada ano dende aquela de xeito extraoficial.
Entrevista
Fernando Pérez é o director xeral do Centro Tecnolóxico de Telecomunicacións de Galicia (Gradiant), unha institución que xira arredor dun sector en constante expansión e con cada vez máis importancia dentro das TIC.
Noticias
A Dirección Xeral de Tráfico e o Ministerio de Industria pretenden simplificar e abaratar o proceso de matriculación de vehículos. Así, a partir de 2010 será posible facelo en 10 minutos, co que desaparecerán as colas. O trámite efectuarase a través de internet grazas a un sistema de sinatura electrónica.
O Goberno galego comprometeuse a apoiar a iniciativa da asociación PuntoGal de acadar un dominio para a lingua e a cultura do país. A secretaria xeral de Modernización e Innovación Tecnolóxica, Mar Pereira, e o secretario xeral de Política Lingüística, Anxo Lorenzo, recibiron o presidente da asociación, Manuel González, o vicepresidente, Camilo Regueiro e o secretario, Darío Janeiro.
Axenda
(01/07/2009 11:45) Xornada de Tecnoloxía Social no Centro Tecnolóxico de Galicia
A Fundación Tecnología Social preséntase en Galicia nunha xornada en que se darán a coñecer solucións tecnolóxicas innovadoras aos problemas de accesibilidade e integración das persoas con diversidade funcional. A actividade, que terá lugar no Centro de Novas Tecnoloxías, está organizada por AGESTIC.
Dossieres
Por mor da continua tendencia ao crecemento da demanda de numeración para liñas de comunicacións móbiles, o Ministerio de Industria anticipou medidas que evitarán a saturación deses números. O departamento do Goberno español abriu unha consulta para propoñer a abertura das cifras que comecen por 7 para o seu uso en servizos de comunicacións móbiles interpersoais, servizos de acceso de banda larga a internet e comunicacións máquina-máquina.
O OGSI repasa os principais fitos da súa traxectoria no 2º aniversario da súa posta en funcionamento.
Experiencias
O Servizo Galego de Saúde, dependente da Consellería de Sanidade da Xunta de Galicia, levou a cabo un proceso de consolidación dos seus servidores polo que fará uso do sistema de virtualización da empresa VMware. Segundo informa a firma, esta mellora permitirá contar cunha plataforma TIC estable, escalable e de rápido despregamento para facilitarlles os servizos tanto aos profesionais como aos usuarios da Sanidade pública.
